325
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Тыа хаһаайыстыбата

1929 с. Сир түҥэтиитэ ыытыллыбыта

1931 с. Мэйи Баалыгар 200 миэстэлээх типовой хотон тутуллубут.

Маҥнайгы сыллардааҕы колхозтар биир сыралаах, ыарахан үлэлэринэн Ааллаах Үүн промышленноһын үлэһиттэригэр таһаҕаһы таһыы үлэтэ буолбута. 1941 с. Чычымах 58 көлөнү тэрийэн ыыппыт, 1942 с. 97 тонна таһаҕаһы Охотскай Перевозтан Ааллаахха, 14 тонна таһаҕаһы Чөркөөхтөн Охотскай Перевозка тиэрдэр былаан бэриллибит.

1946 с. «Чычымах» колхозка 898 ынах сүөһү, ол иһигэр 250 ыанар ынах; 845 сылгы, ол иһигэр 235 биэ баара.

1957 с. Колхоз “Коммунизм” диэн ааттаммыта

1958 с. “Труд”(Уус-Амма), “Победа” колхозтар холбоһон “Коммунизм” колхоз 540 хаһаайыстыбалаах, 978 үлэһиттээх, 4900 кэриҥэ ынах, сылгы сүөһүлээх оройуоҥҥа биир бөдөҥ хаһаайыстыба буолар. Председателлэринэн А.И.Слепцов, Д.С.Колесов, И.В. Николаев үлэлээбиттэр. “Коммунизм” колхоз киинэ саҥа тутуллубут Харбалаах бөһүөлэгэр көспүтэ. “Коммунизм” совхозка Чычымах отделение быһыытынан сылдьан баран ыһыллыы буолбутугар                 2003 с. “Чычымах” СХПК тэриллибитэ.

2016 с. тохсунньу 1 күнүнээҕи туругунан  нэһилиэккэ барыта 1296 ынах сүөһү, ол иһигэр 532 ыанар ынах, 1204 сылгы баар.  19 үлэһиттээх “Чычымах” СХПК-ны Неустроев П.П. салайар. 24 бааһынай хаһаайыстыба баар. 2015 с. Нэһилиэк үрдүнэн 661 тонна үүт ыаммыт.

Ветеринарнай сулууспа

1945 с. саҕалаан Габышев В.М., Обутов Р.М., Павлов Н.И.,

1962-1975 сс. Андросов П.С., Неустроев А.Н. ветеринарынан үлэлээбиттэр. Араас сылларга ветвраһынан үлэлээбиттэрэ: Васильева Л.Я., Ефимова Т.В., Кулачикова П.И., Чарова М.С., Татаринова М.А., Сивцев В., Кривошапкина Л.Г., Канаева П.П. Ветфельдшердэринэн үлэлээбиттэрэ: Сивцева А.П., Софронова Т.С., Васильева А.Е., Никитина А.В., Охотина В.С., Халгаева В.В., Прокопьев В.В., Татаринова К.И. Билигин ветучасток начальнига – Неустроев И.П., ветврач- Николаев А.Н., ветфельдшер -Посельскай В.И.

Арыы собуота

2003 с. модульнай собуот тутуллан үлэҕэ киирбитэ. Собуокка Аввакумова А.Д. – маастар, Налыяхова Ф.А., Попова М.В., Михайлова А.Г., Канаев А.Н. үлэлииллэр. 2010 с. собуот оҥорбут арыыта маҥнай Саха сиригэр,  онтон Москваҕа баран бастакы миэстэ буолбута.