208
1 Звезда2 Звезды3 Звезды4 Звезды5 Звезд (Пока оценок нет)
Загрузка...

” Дарыбыан уонна “Тойон Ньургун” дьулурҕаннаах суоллара”  өрөспүүбүлүкэтээҕи  викторина биллэриллэр.

davudovБиир дойдулаахпыт дорҕоонноох тойуксут уонна алгысчыт, дэгиттэр талааннаах олоҥхоһут Дарыбыан Дабыыдап төрөөбүтэ 130 сылын көрсө ыччакка аналлаах

“Дарыбыан уонна “Тойон Ньургун” дьулур5аннаах суоллара”  өрөспүүбүлүкэтээҕи  викторина биллэриллэр.

Викторина сыала-соруга: Олоҥхоһут олоҕун, биир биллэр олоҥхотун дириҥник үөрэтиигэ уонна билиигэ интэриэһи тардыы, биир дойдулаахпыт  айан хаалларбыт олоҥхолорунан киэн туттууга угуйуу.

Кыттааччылар: 14 – 35 диэри  саастаахтар.

Эппиэттэргитигэр ааккытын, аадырыскытын чуолкайдык суруйан бэс ыйын 18 күнүгэр диэри  маннык аадырыска ыытаҕыт:

johsmo@mail.ru      Дьохсоҕон нэһилиэгэ.М.А.Петров аатынан библиотека.

Викторина боппуруостарын ватсабынан уонна  киин библиотека сайтыгар киирэн көрүөххүтүн сөп.

Түмүгэ ыһыахха бэс ыйын 21 күнүгэр тахсар. Кыайыылаахтар дипломнарынан, анал бириистэринэн наҕараадаланыахтара, кыттыбыттар электроннай почтанан туоһу суруктары тутуохтара.

                                            

                                                  Викторина боппуруостара:

1.Дарыбыан Дабыыдап ийэтинэн эһэтэ Быргый Уйбаан ханнык биллэр киһини кытта ини-биилэр этэй?

2.Олоҥхоһут олохсуйан олорбут сирин аатын эт.

3.Дарыбыан Дабыыдап кэргэнин аата?

4.*Мин чаҕылҕаным* диэн таптаан ааттыыр оҕотун аатын эт.

5.Дарыбыан Дабыыдап хас оҕолооҕой?

6.Кини биллэр олоҥхотун *Тойон Ньургуну* сурукка киллэрбит кимий, хас сыллаахха,ханна истэн суруйбутай?

7.*Тойон Ньургун* олоҥхо  илиинэн  суруллуутугар хас лиистээх, хас строкалаах этэй?

8.Дарыбыан олоҥхоһукка ханнык ыһыаҕы тойугунан астарбыттарай?

9.Биир олоҥхону  куолаһын хаста уларытан толорор этэй?

10.Таатта талааннаах олоҥхоһута Дьокуускай куоракка биллэр олоҥхоһуттары кытта күрэстэргэ сылдьан ылбыт бириистэрин этитэлээ.

11.*Тойон Ньургун* олоҥхоҕо бухатыыр балтын аата кимий?

12.Кинини ким диэн ааттаах абааһы бухатыыра уоран ыларый?

13.Тойон Ньургун аналлааҕын аата?

14.Бу олоҥхоҕо Тойон Ньургун хас төгүл  абааһы ааттаахтарын кытта күн улууһун көмүскэһэн дуолан охсуһууга киирсэрий?

15.Олоҥхоһут  *Охсуһууга киирдэҕинэ тимир тириитин кэтэрэ,хахай хаана хааннанара* диэн кими этэрий?

16.Олоҥхоһут *Кыра соҕус кылар,аччыгый соҕус алаа эбит* –  диир абааһы уолун аата кимий?

17.Олоҥхоҕо баар атын абааһы бухатыырдарын ааттаталаа.

18.*Көрдөр хараҕым дьүккэтин,

        Көтүрдэр тииһим хоххотун,

       Көмөлүйдэр сүрэҕим ытарҕатын

       Хайҕахтаах хара быарым тулаайаҕын…* диэн Тойон Ньургун ким туһунан этэрий?

19.Дарыбыан Дабыыдап сиэнэ көҥүл тустууга спорт маастарын,  Аан дойду чемпионун  аатын эт.

20.Дарыбыан Дабыыдап  *Тойон Ньургун* олоҥхото хас сыллаахха,ханнык серияҕа,хаһыс томугар бэчээттэнэн тахсыбытай?