1892
1 Звезда2 Звезды3 Звезды4 Звезды5 Звезд (1 оценок, среднее: 1,00 из 5)
Загрузка...

П. А. Ойуунускай төрөөбүтэ 125 сылын көрсө “Дьон-норуот дьолугар, дьол-соргу туһугар…”

 “Дьон-норуот дьолугар, дьол-соргу туһугар

       Таатта улууһун И.А. Аргунов аатынан Ытык Күөллээҕи киин библиотеката, “Таатта” хаһыат редакцията биир дойдулаахпыт, саха советскай литературатын төрүттээччи, талааннаах суруйааччы, учуонай, уһулуччулаах государственнай уонна общественнай деятель П.А. Ойуунускай төрөөбүтэ 125 сылынан республикатааҕы литературнай викторина биллэрэллэр.

       Викторина сыалынан П.А. Ойуунускай олоҕун, айар үлэтин дириҥник үөрэтиигэ уонна билиигэ интэриэһи тардыы, кини айан хаалларбыт үлэлэринэн киэн туттууга угуйуу буолар. Ким баҕалаах кыттар. Эппиэт чуолкай, өйдөнүмтүө буолуохтаах, хантан булуллубута ыйыллыахтаах. Түмүгү таһаарыыга ким урут хоруйу киллэрбитэ учуоттанар. Эппиэттэргитигэр ааккытын, аадырыскытын толору ыйан бэс ыйын 1 кµнµгэр диэри маннык аадырыска ыытаҕыт:

       678650, Таатта улууһа, Ытык Күөл с., А. Софронов уул. № 9, киин библиотека, тел.: (41152)41-954 email: cod891@yandex.ru

            Түмүк бэс ыйын  9 күнүгэр tattalib.ru сайтка тахсыаҕа.

       Кыайыылаахтар дипломнарынан, анал бириистэринэн наҕараадаланыахтара, кыттыбыттар электроннай почтанан туоһу суруктары тутуохтара. Барыгытыгар ситиһиилэри баарабыт!

 Викторина боппуруостара

  1. Суруйааччы бастакы кинигэтин аата, хаһан бэчээттэммитэй?
  2. Эрэйдээх-буруйдаах икки атахтаах

     Эрэли-итэҕэли эргитиэҕэ,

     Алгыстаах олоҕу аҕалыаҕа,

     Аан дойдуну абырыаҕа …

Бу ким тылларай, Ойуунускай ханнык айымньытыгар баарый?

  1. “… Бу кэпсэммит кэрэ олох үтүө далбарын, кэтит кэскилин, үрдүк мындаатын билигин көрбүт киһи диэххэ айылаах, ылы-чып олордулар. Сүрэхтэригэр хатаатылар, өйдөрүгэр иҥэрдилэр.”

Бу ханнык айымньыттан ылыллыбыт быһа тардыыный?

  1. “… Хантайбыт быһыылаах, улууххан дьүһүннээх, арылыччы көрбµт харахтаах, имин хаана ооньньообут килбиэннээх иэдэстээх, үрдүк туналҕаннаах сүүстээх, нарын-нарын, уурбут-туппут курдук чараас уостаах, дьахтар үтүөтэ, дьүһүннээх кэрэтэ олорор эбит.”

Бу ким мэтириэтэй, айымньы аата? 

  1. “Былатыан быраатым,

     Ыраастык ыпсаран,

     Лабаалаан, нарыннаан,

     Арабуочай аймаҕы аһынан,

     Тулхадыйбат тускулу туймуулаатыҥ,

     Ыар кыһалҕаны ылынан,

     Нуобай олоҕу тупсарды…” диэн акростих форманан суруллубут хоһоон ааптара, аата, сыла.

  1. “Көрсүбэтэхпит өр да буолла, аата көрүстэхпит… Дьэ, дьол эбит…Бу илиҥҥи-хотугу Сибииринэн эргийэн кэллим. Манна, бэйэ икки ардыгар кистээбэккэ эттэххэ, биир да киһи иилэн кэпсэтиэх киһитин көрсүбэтим, биир да эн курдук киһини кытта билсибэтим…”

       Бу ким кимниин кэпсэтэрий, ханнык айымньыга?

  1. Орто туруу дойду

   Оройунан оонньуур

   Охсуулаах улуу оҕото

   Ол курдук санаа сананан

   Ойох ыла диэн барбыта эбитэ үһү…. диэн Ньургун Боотур кими кэргэн кэпсэтэ барбытай?

  1. Үрүҥ Уолан ийэтин, аҕатын ааттара.
  2. Бу мэтириэти ким, хас сыллаахха уруһуйдаабытай?
  3. П. Ойуунускай диссертациятын ханнык темаҕа көмүскээн сахалартан бастакынан наука кандидата буолбутай?
  4. “П.А. Ойуунускай салайааччы быһыытынан биир туспалааҕын өйдөөн хаалбыппын. Этэн, кэпсэтэн кэбиһэн баран, бу курдук, ол курдук үлэлээҥ диэн үрүт-үрдүгэр ыйа, такайа сылдьыбат этэ да, барыта толоруллан иһэр буолара. Ол, бука, бэйэтин холобура күүһүттэн эбитэ буолуо. Кини үлэлээбэккэ, мээнэ олорорун биирдэ да көрбөтөҕүм.”

Ким ахтыытыттан ылыллыбыт быһа тардыыный, ахтыы аата?

  1. Бу 3 киһини туох сибээстиирий?

  1. “…Бука барыбыт саха норуотугар автономия кэлэрэ сөп диэммит миигин дакылаат оҥорорго анаатыбыт, онон муус устар 13 күнүгэр бу дакылааты суруйаммын Сибнацка биэрдим. Ол дакылаакка Саха Автономиятын иһигэр Охотскай муора биһиги диэки биэрэгэ киириэхтээх. Оччоҕо сибээс баарын быһыытынан партия да үлэтэ, Советскай да былаас оҥостуута ордук түргэнник атаҕар туран, салаллан-дьаһаллан иһиэх тустаах диэн…” Ойуунускай хаһан, ханнык үлэтигэр суруйбутай?
  2. П.А. Ойуунускай аатынан бириэмийэ хас сыллаахха олохтоммутай, бастакы лауреат кимий, туох иһин ылбытай?
  3. Бу ханна баар пааматынньыгый? Ааптара, хас сыллаахха турбутай?