1489
1 Звезда2 Звезды3 Звезды4 Звезды5 Звезд (Пока оценок нет)
Загрузка...

“Кыайыы кынаттаах Албан аат – тыыннаах” кинигэ биһирэмэ

Автор: | 06.09.2016


“Кыайыы кынаттаах Албан аат – тыыннаах” дьоһун кинигэ таҕыста. Бу кинигэ биһирэмэ П.А. Ойуунускай Таатта норуодунай тыйаатырыгар муус устар 28 күнүгэр буолан ааста. Бу тэрээһини иилэн-саҕалаан ыыттылар киин библиотека үлэһиттэрэ С.С. Игнатьева уонна С.В. Ефремова.

Кинигэ редактора Изабелла Александровна Сивцева, хомуйан оҥордо Светлана Ивановна Беркина, корректор Виктор Васильевич Винокуров, техническэй редактор Варвара Васильевна Башарина, художественнай редактор Мария Григорьевна Неустроева, компьютернай верстка Варвара Васильевна Башарина, Сардаана Николаевна Данилова. Барыта биирдии том 500 экземпляр “Таатта” хаһыат редакциятыгар таҥыллан, оҥоһуллан “Медиа-холдинг Якутия” бэчээттэнэн таҕыста. Барыта кинигэҕэ 7698 киһи, ону таһынан испииһэгинэн 2361 киһи аата киирдэ.

img_6495
Бастакы кинигэҕэ бары сэриигэ кыттыбыт, иккис кинигэҕэ тыылга үлэлээбит, үһүс кинигэҕэ сэрии сылларын оҕолорун туһунан киирдэ.
Биһирэмҥэ бу тахсыбыт кинигэ туһунан бэйэлэрин санааларын үллэһиннилэр: улууспут баһылыгын социальнай боппуруостарга солбуйааччыта, кинигэ редактора И.А. Сивцева; кинигэни хомуйан оҥорбут улуус бэтэрээннэрин сэбиэтин бэрэссэдээтэлэ С.И. Беркина; “Гражданскай килбиэн” бэлиэ хаһаайына, Таатта, Орто Амма нэһилиэк бочуоттаах олохтооҕо И.П. Винокуров; дьиэ-кэргэн уонна ыччат отделын салайааччыта М.П. Тарасов уонна Таатта улууһун нэһилиэктэриттэн бу кинигэҕэ үлэлэспит дьон. Тэрээһиҥҥэ Д.А. Петров аатынан 2-с № оскуола үөрэнээччилэрэ хоһоон аахтылар, ырыа ыллаатылар.

img_6448

“Кыайыы кынаттаах Албан аат – тыыннаах” кинигэ биһирэмэ: 2 комментария

Добавить комментарий

Ваш адрес email не будет опубликован. Обязательные поля помечены *