859
1 Звезда2 Звезды3 Звезды4 Звезды5 Звезд (Пока оценок нет)
Загрузка...

М.И. Кузьмин – Макар Хара “Талыллыбыт айымньылар” кинигэтин биҺирэмэ

Автор: | 20.09.2016

Балаҕан ыйын 10 күнүгэр Уолба нэһилиэгэр Макар Хара аатынан модельнай библиотека сэб. Е.Ю. Рахлеева тэрийиитинэн философскай наука кандидата, ЧГИФКиС преподавателэ Е.Г. Винокуров хомуйуутунан поэт-фронтовик, суруналыыс, тылбаасчыт М.И. Кузьмин – Макар Хара “Талыллыбыт айымньылар” кинигэтин биһирэмэ буолан ааста.

Бу тэрээһиҥҥэ СӨ Правительствотын председателин солб. А.П. Дьячковскай, СӨ Сибээскэ, информатизацияҕа министрин солб. П.П. Неустроев, СӨ Үөрэҕирии министерствотыттан В.В. Аржаков кэлэн ыалдьыттаан, санааларын этэн бардылар. Маны тэҥэ ыҥырыылаах ыалдьыттар ортолоругар Таатта улууһун баһылыгын солбуйааччы И.А. Сивцева, улуустааҕы культура салаатын салайааччыта А.П. Лопатин, Дьокуускай куораттан поэт төрөөппүт соҕотох кыыһа РФ уонна СӨ үтүөлээх бырааһа, СӨ, Таатта улууһун, Уолба нэһилиэгин бочуоттаах олохтооҕо З.М. Кузьмина, кини кэргэнэ геолого-минерологическэй наука доктора, профессор В. К. Марщинцев, “Кэскил” хаһыат редакторын солб. А.М. Иевлева, Р.Н. Корнилова, суруйааччы аймахтара ытык ыалдьыт буоллулар. 

img-20160920-wa0013

Кинигэ биһирэмэ поэт аатын сүгэр нэһилиэк модельнай библиотекатын таһыгар талах олордууттан саҕаланна. Итиэннэ олохтоох культура киинигэр сүрдээх истиҥ биэчэр ааста. Тэрээһини модельнай библиотека салайааччыта Екатерина Рахлеева иилээн-саҕалаан ыытта. Кэлбит ыалдьыттар илии тутуурдаах кэлэн улуустааҕы библиотека ситимигэр, Уолба нэһилиэгин библиотекатыгар иккилии дьааһык сабыс саҥа кинигэ бэлэх ууннулар.

Добавить комментарий

Ваш адрес email не будет опубликован. Обязательные поля помечены *