972
1 Звезда2 Звезды3 Звезды4 Звезды5 Звезд (Пока оценок нет)
Загрузка...

“Хоһоонум хомуһуннаах тыллара” улуустааҕы күрэс түмүгэ

Автор: | 20.09.2016

И.А. Аргунов аатынан Ытык-Күөллээҕи киин библиотека уонна  Тааттыныскай нэһилиэк дьаһалтата   нэһилиэкпит төрүттэммитэ 100 сылыгар анаан муус устар ыйга хоһоон айыытыгар улуустааҕы күрэс биллэрбитэ. Күрэс сүрүн сыала – айар дьоҕурдаах дьону Тааттыныскай нэһилиэги хоһуйууга көҕүлээһин, саҥа талааннары арыйыы. 

            Бу тэрээһиҥҥэ 18-тан үөһэ саастаах 26  айар дьоҕурдаах  дьон   биирдии хоһоонунан кытыннылар.        Ол курдук, Красноярскай, Дьокуускай куораттартан, Сунтаар, Таатта улуустаарыттан,   нэһилиэктэртэн төрөөбүт дойдуга сыһыаннаах кэрэттэн кэрэ ис хоһоонноох айымньылар киирдилэр. Күрэс кыттыылаахтара сүрүннээн Тааттатааҕы “Уран тыл” литературнай түмсүү чилиэннэрэ буоллулар.

            Кэтэһиилээх түмүк Тааттыныскай нэһилиэк төрүттэммитэ 100 сылыгар аналлаах ыһыахха иһитиннэрилиннэ. Кыттыылаахтар айбыт хоһооннорун көрөөччүлэр иннилэригэр  долгуйа аахтылар, кыайыылаахтар наҕараада туттулар.

            Гран-при аатын ылла Дьокуускай куораттан бары киэҥ туттар поэтессабыт, “Араҥас сулус” литературнай түмсүү чилиэнэ, СӨ суруйааччылар сойуустарын чилиэнэ Мария Алексеева. 1 миэстэ – Варвара Решетникова – Талбаана  (Чөркөөх). 2 миэстэ – Надежда Максимова – Сыралыма (Ытык-Күөл). 3 миэстэ – Иван Унаров – Унаар Уйбаан (Ытык-Күөл). “Ааспат ахтылҕан” аат иҥэрилиннэ Мария Сивцеваҕа (Дьохсоҕон). “Хомоҕой хоһоонньут” аат – Матрена Лукачевскаяҕа (Чөркөөх). “Истиҥ иэйиилээх хоһоонньут” аат – Елена Филатоваҕа – Сыгыйыкка (Чөркөөх).

            Тэрээһин түмүгүнэн “Ытык сирбит Ытык Күөл” диэн хомуурунньук бэчээттэнэн таҕыста. Бу дьоҕус хомуурунньукка уран тыл толоонугар номнуо ааттара дорҕоонноохтук ааттаммыт, айар үлэҕэ саҥа үктэнэн эрэр эдэр дьон хоһоонноро киирэн, тапталлаах Ытык түөлбэбитигэр үйэлээх бэлэх буолла.

 12

Добавить комментарий

Ваш адрес email не будет опубликован. Обязательные поля помечены *