1205
1 Звезда2 Звезды3 Звезды4 Звезды5 Звезд (1 оценок, среднее: 2,00 из 5)
Загрузка...

Таатта нэһилиэгин икки кинигэтин биһирэмэ

Муус устар 12 күнүгэр Таатта улууһун Ытык Күөл нэһилиэгэр нэһилиэнньэ икки кинигэтин биһирэмэ “Сарыал” культурнай кииҥҥэ буолан ааста. Биһирэми иилээн-саҕалаан ыытта киин библиотека үлэһитэ С.С. Игнатьева.

“Быраман былыргы” 1 кинигэҕэ номохтор, нэһилиэк хаһан төрүттэммитэ, таҥара дьиэтин метрическэй кинигэтин суруктара, нэһилиэк тойотторо, айылҕаттан айдарыылаахтар, туос-мас ураһалар, археологическай хаһыылар, сыылкаҕа кэлбит дьоннор, Ытык Күөл хаһан Таатта улууһун киинэ буолбута уонна репрессия сыллара, кимнээх репрессияҕа түбэспиттэрэ киирбиттэр. Онон, төрүччүнү үөрэтиигэ улахан суолталаах кинигэ. Кинигэ 304 страницалаах, 500 экземплярынан 2015 с. “Таатта” хаһыат редакциятыгар бэчээттэнэн тахсыбыта.

        Ону таһынан, 2016 сыллаахха “Таатта нэһилиэгин үйэлээх суола” дьоһун кинигэтэ тахсыбыта. Историческай матырыйаалларга, архыып докумуоннарыгар олоҕуран суруллубут кинигэ Таатта улууһун Тааттыныскай нэһилиэгин 100 сыллаах үйэлээх суолун устата холкуостар, тэрилтэлэр төрүттэниилэрин, сайдыыларын, бүгүҥҥү олохторун, нэһилиэк сайдар кэскилин арыйан көрдөрөр.  Кинигэ 546 страницалаах, 250 экземплярынан олохтоох Таатта полиграфия таҥыллан тахсыбыта.

       Кинигэлэри хомуйан оҥордулар:  элбэх кинигэ ааптара, РФ үөрэҕириитин туйгуна, кыраайы үөрэтээччи Елена Филимоновна Кузьмина; философия наукатын кандидата, Чурапчытааҕы физическэй культура уонна спорт государственнай институтун доцена, РФ уонна СР суруналыыстарын сойууһун чилиэнэ, СР үөрэҕириитин туйгуна Егор Гаврильевич Винокуров; үлэ бэтэрээнэ, хас да кинигэ ааптара, кыраайы үөрэтээччи Федора Михайловна Харитонова; педагогическай үлэ бэтэрээнэ, РСФСР үтүөлээх учуутала, ССРС, РСФСР үөрэҕириитин туйгуна Ксения Анисимовна Хатылыкова. Бырайыак ааптара Тааттыныскай нэһилиэк депутаттарын сэбиэтин бэрэссэдээтэлэ Маргарита Арисовна Попова.

IMG_0959  IMG_0947

IMG_1067 IMG_0936

Таатта нэһилиэгин икки кинигэтин биһирэмэ: 1 комментарий

Добавить комментарий

Ваш адрес email не будет опубликован. Обязательные поля помечены *