1032
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Муус устар 27 күнэ – Саха Автономнай Республикатын 95 сыла

Бүтүн Россиятааҕы Киин ситэриилээх комитет Президиума “Саха Автономнай Сэбиэскэй Социалистическай Республикатын туһунан” Декреты ылыныы, бүтүн көлүөнэ саха эдэр политиктарын – Максим Аммосов, Платон Ойуунускай, Исидор Барахов, Степан Аржаков, сыралаах – утумнаах үлэлэрин түмүгэ.

       Платон Слепцов-Ойуунускай өссө Томскайдааҕы учуутал институтун история уонна тыл отделениетын студенынан сылдьан, 1917 сыллаахха доҕотторугар уонна бииргэ үлэлиир табаарыстарыгар төрөөбүт Сахатын сирин ааспыт, билиҥҥи, уонна кэлэр кэмин дьылҕатын туһунан суруйсуутугар санааларын этэрэ. “… Улуу көҥүл буолуу ыраас сардаҥаларыгар уонна курустаал курдук долгуннарыгар бэйэбит тылбыт уонна литературабыт кэрэлэрин, хаан-уруу баайбытынан-дуолбутунан национальнай киэн туттууну уһанан таһаарыахпыт, итиэннэ омук быһыытынан бэйэ баһын билинии акылаатын ууруохпут” (доҕоругар Максим Аммосовка суругуттан. 1917 сыл, алтынньы 13 күнэ, Томскай куорат). Үөрэнэр сылларыгар “Саха АССР үлэһиттэрин бырааптарын уонна эбээһинэстэрин декларациялара” уонна автономиятын “Саха Республикатын туһунан балаһыанньа” барылларын бэлэмнээбитэ. П.А. Ойуунускай доҕотторугар суругар: “Сайдар сырдык кэскиллээх норуот баҕар биһигини тыннаахпытыгар өйдөөбөтөҕүнэ, кэнэҕэһин да өйдүөҕэ уонна биһиэхэ туһаайан этиэҕэ “Күндү гражданнар! Эһиги баар эбиккит – биһиги туспутугар үлэлээбит дьоннор. Эһиэхэ баһыыба! – диэн”.

       П.Ойуунускай бэлэмнээбит докумуоннарыгар олоҕуран, 1922 сыл муус устар 27 күнүгэр Саха Автономнай Республиката – саха норуотун историятыгар бастакы Государственность үөскэтиллибитэ.

Добавить комментарий

Ваш адрес email не будет опубликован. Обязательные поля помечены *