884
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Игидэйгэ “Ойуунускайы ааҕабыт” инсценировка курэҕэ ыытылынна

Муус устар 26 күнүгэр Саха Государственноһын күнүн көрсө Игидэй модельнай библиотеката уонна Э.К.Пекарскай аатынан орто оскуола библиотеката кыттыһан бөдөң общественнай уонна государственнай деятель, суруйааччы, фольклорист, учуонай, бөлүһүөк, саха государственноһын төрүттээччи  П.А. Слепцов – Ойуунускай төрөөбүтэ 125 сылыгар аналлаах Игидэй нэһилиэгин иһинэн оҕолор уонна төрөппүттэр кыттыылаах “Ойуунускайы ааҕабыт” инсценировка курэҕин тэрийэн ыыттылар.

Курэх икки категориянан 1-4 кылаастар, 5-10 кл диэн арахсан барда.        Ирдэбилигэр айымньыны толору арыйан оонньоон көрдөрүү, көстүүм, бастыҥ оруолу арыйааччы, биирдиилээн толорууга. Манна оскуола тоҕус кылааһа уонна төрөппүттэр үөрэнээччилэр кытыннылар. Уопсайа 113 киһи кыттыыны ылла. Кылаастар бары даҕаны олус эппиэтинэстээхтик тэринэн кыттыбыттара тута харахха быраҕыллар. Ол курдук оруолларга оонньооччулар оччотооҕу кэм таҥаһын таҥнан кыыл, көтөр маскарадтарын кэтэн киирбиттэрэ айымньыны толору арыйарга олук буолла . Хас кылаас кыттыан иннинэ Ойуунускай ологун , айымньыларын сырдатан кэпсээн саха тылын учуутала Лопатина Г. В. уонна модельнай библиотека сэбиэдиссэйэ Жулева К.А.  арыйбыттара оҕолорго олус кэрэхсэбиллээх, эбии билиини биэрбитэ саарбаҕа суох.

Ол курдук алын сүһүөх кылаастарга 1 место 4 кылаас (салайааччы Антоева Л. И.), 2 м. 3 кылаас коллектива (салайааччы Павлова Е. П.), 3 миэстэ 1 кылаас оҕолоро (салайааччы Матаннанова М. П.) буоллулар. Уонна анал ааттар ааттаннылар: «Бастыҥ туруоруу», «Бастын уус-уран киэргэтии» уо.д.а.

5-10 кл үөрэнээччилэригэр «Бастыҥ туруоруу» анал аатынан 10 кылаас коллектива (салайааччы Кузьмина Раиса Николаевна) , «Айымньы уобараһын бастыҥнык арыйааччы» 10 кл үөрэнээччитэ Лопатина Маша, «Бастыҥ тэттик оруолу арыйыы» 10 кл үөрэнээччитэ Настя Габышева, «Бастыҥ уус уран киэргэтии» 6 кл коллектива (салайааччы Андреева Л. Н.), «Бастыҥ тэттик оруолу арыйыы» улахан дьонно Иванова Саргылаана Алексеевна тигистилэр.

Бу курдук биир үтүө тэрээһин улуу убайбыт үбүлүөйүгэр тэриллэн , элбэх киһини хабан ыытыллынна.

Добавить комментарий

Ваш адрес email не будет опубликован. Обязательные поля помечены *