2148
1 Звезда2 Звезды3 Звезды4 Звезды5 Звезд (3 оценок, среднее: 3,33 из 5)
Загрузка...

“Дьон-норуот дьолугар, дьол-соргу туһугар…”        П.А. Ойуунускай төрөөбүтэ 125 сылыгар аналлаах өрөспүүбүлүкэтээҕи литературнай викторина түмүгэ.

“Дьон-норуот дьолугар, дьол-соргу туһугар…”

       П.А. Ойуунускай төрөөбүтэ 125 сылыгар аналлаах өрөспүүбүлүкэтээҕи литературнай викторина түмүгэ.

       Таатта улууһун И.А. Аргунов Ытык Күөллээҕи киин библиотеката, “Таатта” хаһыат редакцията саха советскай литературатын төрүттээччи, талааннаах суруйааччы, учуонай, уһулуччулаах государственнай уонна общественнай деятель П.А. Ойуунускай төрөөбүтэ 125 сылынан ыыппыт литературнай викторинабыт түмүктэннэ.

       Викторина киэҥ интэриэһи тардан Дьокуускай куораттан, Горнай, Амма, Мэҥэ-Хаҥалас, Ленскэй улуустарыттан уонна  Тааттаттан барыта 34 киһи кытынна. Ол иһигэр үөрэнээччитэ – 8, улахан дьоно – 26. Викторина кыттыылаахтара Ойуунускай айымньыларын дьаныһан туран аахпыттар. Мэҥэ-Хаҥаластан Тихонова А.И. “улуу киһибитин өрүү өрө тута, айымньыларын үөрэтэ, ааҕа сылдьыаҕын” диэн санаатын суруйбут. Дьокуускайтан Тарабукина Ирина Егоровна викторинаҕа эппиэттээри Национальнай, Белинскэй аатынан библиотекаларга сылдьан элбэҕи аахпытын, билбитин-көрбүтүн тэрийээччилэргэ махтанан, өссө да маннык интэриэһинэй тэрээһиннэр ыытыллалларыгар баҕа санаатын тиэрдибит.

       Дьүллүүр сүбэ эппиэттэри көрөн баран уопсай түмүгү таһаарда уонна кыайыылаахтары быһаарда. Сөптөөх эппиэти Кустурова Е.Н. бастакынан ыытан кыайыылааҕынан ааттанна.

       I миэстэ – Кустурова Евдокия Николаевна (Таатта, Баайаҕа)

       II миэстэ – Федосеева Клара Петровна (Таатта, Чөркөөх)

       III миэстэ – Тарабукина Ирина Егоровна (Дьокуускай)

Биґирэбил бириистэр:

  1. Тихонова Антонина Иннокеньевна (Мэҥэ Хаҥалас, Хорообут)
  2. Текеянова Жоржетта Ивановна (Горнай, Маҕарас)
  3. Сысолятина Надежда Федоровна (Дьокуускай).

       Тааттатааҕы киин библиотека уонна “Таатта” хаһыат редакцията бары кыттыбыт дьоҥҥо улахан махталбытын тиэрдэбит,  кыайыылаахтары эҕэрдэлиибит уонна инникитин даҕаны ыытар викториналарбытыгар көхтөөхтүк кыттаргытыгар ыҥырабыт.

       Кыайыылаахтарга дипломнар уонна өйдөбүнньүк бириистэр бэс ыйын 16 к. Хадаайыга буолар П.А. Ойуунускай төрөөбүтэ 125 с. аналлаах ыһыаҕар күнүс 14ч.00 м. “Литературнай пикник” №5 түһүлгэтигэр туттарыллыахтара.   

Викторина эппиэттэрэ

  1. Ырыа-хоһоон, 1923 с.
  2. Кыһыл Ойуун тыллара. “Кыһыл Ойуун” олоҥхо-тойуга.
  3. “Сүүс сыллаах улуу былаан” (оҥоһуллан эрэр олоҥхо)
  4. Ньоондоор кулуба кэргэнэ Лагларыйа Даайыс “Дойду оҕото Дорогуунап Ньукулай” сэһэн.
  5. Анемподист Иванович Софронов “Махтал”, 1925 с.
  6. Саһыл Барсуктуун кэпсэтэр. “Саһыллаах Барсук” остуоруйа-кэпсээн.
  7. Ньургун Боотур Кырыытынай Кыыс Ньургуну кэргэн кэпсэтэ барар.
  8. Үрүҥ Уолан ийэтэ – Айыы Нуоралдьын хотун, аҕата – Айыҥа Сиэр тойон.
  9. Петр Петрович Романов уруһуйа.
  10. 1935 с. Москваҕа “Якутский язык и пути его развития” диэн темаҕа диссертациятын көмүскээн сахаттан бастакынан лингвистическэй (филологическай) наука кандидата буолбута.
  11. Философскай наука доктора, профессор Авксентий Егорович Мординов ахтыыта “Кини мин санаабар уонна сүрэхпэр мэлдьи тыыннаах”.
  12. Дадаскинов Степан Егоровиһы, Турсынай Оразбаеваны, П.А. Ойуунускайы  “Мин кэллим Тааттаҕа” диэн ырыа сибээстиир.  
  13. 1928 с. бэс ыйын 21 к. суруйбут “Ааспыт күннэр-дьыллар” ахтыытыгар XVI чааһыгар “Автономия боппуруоһун туруоруу”.
  14. П.А. Ойуунускай аатынан республикатааҕы бириэмийэ САССР Министрдэрин Сэбиэтин 1966 с. тохсунньу 27 к. уурааҕынан олохтоммута. Бастакы бириэмийэ худуоһунньук Мунхалов Афанасий Петровичка “Мой Север” (“Мин хоту дойдум”) диэн линогравюларын сериятын иһин САССР Министрдэрин Сэбиэтин 1966 с. от ыйын 7 к. уурааҕынан анаммыта.
  15. Ойуунускай пааматынньыга Таатта Ытык Күөлүгэр 2013 с. турбута. Ааптара – СР норуодунай худуоһунньуга, скульптор Э.И. Пахомов, архитектора – СР үтүөлээх архитектора И.С. Андросов.   

 

“Дьон-норуот дьолугар, дьол-соргу туһугар…”        П.А. Ойуунускай төрөөбүтэ 125 сылыгар аналлаах өрөспүүбүлүкэтээҕи литературнай викторина түмүгэ.: 1 комментарий

  1. Варвара Максимова

    Киин библиотека бары үлэһиттэригэр нөрүөн –
    нөргүй!
    Улуу убайбыт Былатыан Ойуунускай үбүлүөйдээх сылынан биир дойдулаахтарбар итии – истиҥ эҕэрдэ буоллун ???
    Маннык республиканскай таһымнаах викторинаҕа иккис кыттыым. Викторина миэхэ кинигэни кытта үлэҕэ өссө биир улахан уопуту биэрдэ. Хомойуох иһин билигин интернет, телевидение, компьютер үйэтэ муҥуутаан сайдан турар буолан кинигэни кытта алтыһыы суоҕун кэриэтэ. Үлэттэн быыс булан кинигэ ааҕыыта да суоҕун кэриэтэ. Бу курдук хабааннаах викториналар, тэрээһиннэр суруйааччыларбыт үбүлүөйдээх сылларыгар эрэ буолбакка тиһигин быспакка ыытыллаллара буоллар кинигэни, библиотеканы кытта ситим быстыбакка өрө тахсыа этэ дии саныыбын. Ол туохха көстөрүй диэҥҥэ, холобур мин викторинаҕа эппиэт көрдүү олорон “Үһүс төгүлүн букатыннаахтык эргиллии” – диэн хомурунньугу олус умсугуйан туран ааҕан кэбистим ??? маны сэргэ хас боппуруос эппиэтин көрдүүргэ үтүмэн элбэх кинигэни кытта алтыһаҕын, ааҕаҕын, билиигэр билии эбиллэр уонна биллэн турар библиотекары кытта алтыһаҕын буоллаҕа дии.
    Инникитин викториналар балаһыанньаларын олохтоох библиотекардар хойутаппакка нэһилиэнньэҕэ тиэрдэллэригэр үлэ барыан наада дии саныыбын. Киһи барыта хаһыат суруппат, интернеты хаспат. Оҕолорго, пенсионердарга о.д.а. араҥаҕа тус туспа викторина ыытаргыт буоллар олус биһирэниэ этэ. Уонна викторина ыытыллыан иннинэ олохтоох библиотекардар нэһилиэнньэҕэ арааһынай хабааннаах тэрээһиннэри ыыталлара буоллар (квест игры, тэрилтэлэринэн выставкалары, нэһилиэк иһинэн викториналары, библионочь курдук тэрээһиннэри, сырдатар – иһитиннэрэр үлэлэри, тематическай түмсүүлэри о.д.а.) дьэ оччотугар киһи да, нэһилиэнньэ да сэргэхсийиэ, республиканскай таһымнаах викторинаҕа кыттарга бэлэм да буолуо этэ, кыттар да киһи ахсаана дэлэйиэ этэ дии саныыбын.
    Кыайыылаахтары эҕэрдэлиибин, библиотека үлэһиттэригэр айымньылаах үлэни баҕарабын.

Добавить комментарий

Ваш адрес email не будет опубликован. Обязательные поля помечены *