227
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Мандар Уус Ийэ тыл туһунан

“Ийэ тылын илдьэ сылдьар омук – инникилээх”

Мандар Уус Ийэ тыл туһунан

 

Б.Ф. Неустроев-Мандар Уус «Барҕа санаам, сүбэ тылым» кинигэтигэр «Орто Дойдуга айыллыбыт тыынар тыыннаах барыта Төрүт Тыллаах. Бу төрүт Тыл күүһүнэн кини билэр-көрөр, билсэр-көрсөр, көмүскэнэр-харыстанар, таптаһар, быһаарсар – Олох олорор…»  диэн суруйар.

Саха тыла – түҥ былыргы, түүр тылыттан биирдэстэрэ. Саха омугун барҕа – баайа төрөөбүт төрүт тыла. Саха тылын сүмэтэ норуот тылынан уус-уран айымньытыгар, олоҥхотугар сөҥөн сылдьар.

Бу олох тэтимэ түргэнник, балысханнык сайда турар кэмигэр Кэм тылыгар сабырыйтарбакка Ийэ тылбытын симэлиппэккэ чэбдиктик, ыраастык харахпыт харатын курдук харыстаан кэнчээри ыччакка, оҕолорбутугар тиэрдии, кинилэргэ ийэ тылы иҥэрии биһиги ытык иэспит, эппиэтинэспит буолар.

Мандар Уус «Ойуу тыла, Айыы тыла» кинигэтигэр Сир Ийэ үрдүгэр олох олорор аҕыйах ахсааннаах омуктар тылларын-өстөрүн, итэҕэллэрин, үгэстэрин, культураларын сүтэриилэрэ – бу киһи аймах бүттүүнүн сүтүгэ буолар диэн өйдөбүлгэ тирэҕирэн, бэйэтин көрүүлэрин билиһиннэрэр. Ааптар бу кинигэтигэр: «Ийэ кут – Ийэ Өй – Ийэ тыл быстыспат ситимнэрин өссө хайдах гынан бөҕөргөтөбүт?» диэн олус дириҥ өйдөбүлү үөскэтэр ыйытыгы туруорар.

Ийэ тылын сүмэтин, төрүт итэҕэлин сүтэрбэтэх эрэ омук симэлийбэт, чэчирии сайдар, киэҥ аартыктанар.

Бэлэмнээтэ Т.Е. Мандарова, Чөркөөх модельнай библиотеката