825
1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...

Оҕо

  • Оҕо дууһата диэн кэһиллибэтэх сыа хаар кэриэтэ буоллаҕа дии. Софрон Данилов
  • Оҕо —

Өлбөөдүйбэт үрүҥ күн,

Өлбөт-сүппэт уһун үйэ.

Оҕо —

Салыйбат итии таптал,

Саппаҕырбат сандал саас.

Оҕо иннэ диэн

Ийэ эмиийин ыанньытар,

Оҕо туһа диэн

Аҕа тилэҕин элэтэр. Сергей Васильев-Борогонскай

  • Оҕолору атаҕастааһын — кэлэр кэмнэргэ силлээһин. Наталья Харлампьева
  • Олоххо оҕо курдук сүгэһэр

Дьоллоох дьоҥҥо эрэ түбэһэр. Иван Федосеев-Доосо

  • Оҕо ийэ-аҕа тапталын билиэхтээх, истиҥ-иһирэх тапталга иитиллибит оҕо киһи быһыытынан сайдарыгар, олоххо бэлэм буоларыгар көмөлөөх буолар. Феодосия Васильевна Габышева
  • Оҕо туох интэриэстээх, хайдах майгылаах-сигилилээх киһи буолара оонньууруттан улахан тутулуктаах. Оҕо оонньуурун кэтээн көрөн, хайдах киһи буолуон быһаарыахха сөп.
  • Киһи баайа,уопсайынан, киһи аймах баайа — oҕ
  • Ийэ тапталын билбэтэх оҕо кураанах, киһи аҥаарын кэриэтэ буолар. Тапталы ылымматах оҕо аһыныгас буолбат, тымныы, холус буолар, куһаҕан биттээх, үчүгэй өттүн көрбөт, тоҥуй, халыҥ тириилээх, чой буолар. Туохха барытыгар оннук сыһыаннаһар. Оннук киһи өйө-санаата кэхтэр, кута хамсыыр. Эдьиий Дора
  • Оҕо оонньууга ситэр-хотор, киһи быһыытынан олоҕун бастакы суолун таптаан оонньообут оонньуутуттан булар. Николай Босиков
  • Оҕо айылҕаттан сурулла илик ыраас кинигэ курдук үоскүүр. Кэлин ол ыраас кинигэ хайдах ис хоһоонунан туолуута төрөппүттэртэн, оскуолаттан, бары тулалыыр эйгэттэн тутулуктаах.
  • Сахалыы куттаах-сүрдээх, тыллаах-өстөөх, өйдөөх-санаалаах, айылгылаах, уйулҕалаах оҕо эрэ улахан омуктар саба бүрүүкүүр сабыдыалларыгар туруулаһыаҕа. Мандар Уус
  • Оҕо дууһата иитиини-үөрэтиини кыратыгар иҥэримтиэ, ылынымтыа.
  • Оҕо дууһата бэйэтэ кэрдиилээх-кээмэйдээх, дьон сыһыаныгар олус сэргэх уонна уйан. Михаил Алексеев