148
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Ытык Күөл икки дьиэтин кэпсээнэ

Саха сиригэр 1920-1954 сылларга түөрт долгунунан барбыт политическай репрессиялар хааннаах хаһыҥнара ордук кырыктаахтык Таатта дьонун хаарыйбыттара. Ол кэмтэн саамай хара дьайдаахтара – 1938 сыл. Бу дьыл бэс ыйыгар “Таатта дьыалата” тэриллибитэ. Д.В. Кустуров суруйарынан, оройуонтан 1000 кэриҥэ киһи тутуллубутуттан 210 киһи Дьокуускай түрмэтигэр утаарыллыбыта, 32 дьыала, ол иһигэр оройуон салайааччыларыгар барыларыгар тэриллибит дьыала, суукка бэриллибитэ. Тааттаҕа улахан хара мэҥ түспүтэ.

 Ытык Күөлгэ НКВД-лар Улахан Сайылыкка уруккута И. Слепцов-Быыпсай Уйбаан сайылык дьиэтигэр кииннэнэн олорбуттара. Тутуллубут дьону дьиэҕэ, ампаардарга хаайан доппуруостаан сордообуттара-муҥнаабыттара. Сарсыардаттан киэһээҥҥэ диэри өй-мэйдээх тулуйбат ыйа-хайа, энэлгэнэ турбутун Ытык Күөл олохтоохторо олус дьулайа, дьаархана кэпсииллэрэ үһү…

Ол дьулаан быһыыны-майгыны көрбүт дьиэ Ытык Күөлгэ ыал уһаайбатыгар көһөрүллэн турар.

Суостаах кэм иккис туоһутунан 1930 с. Ытык Күөл оройуон киинэ буолбутугар тутуллубут НКВД дьиэтэ буолар. Кини өрдөөҕү эркинэ эмиэ үгүс мөкүнү да, үтүөнү да көрөн турдаҕа. Оччолорго милиция начаалынньыгынан Гаврил Андреев, народнай судьуйанан Атласов үлэлииллэрэ.

НКВД дьиэтэ кэлин ыаллар олорор уопсай дьиэлэрэ буола сылдьыбыта. 1968 сылтан манна “Кэнчээри” оҕо уһуйаана олохсуйан үлэлиир. Бу дьиэ дириҥ устуоруйата төрдүттэн үөрэтиллэ илик.

    Күүрээннээх кэм туоһулара, аныгы үйэ күлүгэр түспүт Ытык Күөл дьиэлэрэ…