1034
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Дьохсоҕон нэһилиэгэр саҥа кинигэлэр “сүрэхтэниилэрэ”

Ытык Таатта улууһун, Улуу убайдар Өксөкүлээх Өлөксөй уонна Алампа үөскээбит-төрөөбүт Дьохсоҕонноругар, айар тыл аҕата төрөөбүтэ 140 сылыгар кулун тутар 24 күнүгэр историческай наука кандидатын Афанасий Алексеевич Николаев икки улахан үлэтин «Уроки Алексея Кулаковского”, бэҕэһээ эрэ тахсыбыт “Саха кэпсээбэт кистэлэҥэ” диэн кинигэлэр ис хоһооннорун билсээри биһирэмҥэ долгуйа муһуннулар.

«Сырал тулааһына» А.К. Андреев аатынан балаҕан хаһаайката Вера Гаврильевна Харайданова көмүлүөк оһоҕун оттон, сиэри-туому ыытта. Кучу чэй туһатын кэпсээтэ Отунан эмтэниини тарҕатааччы Любовь Константиновна Власова. Ыалдьыттары сахалыы сиэринэн арыылаах саламаатынан, күөрчэхтээх  алаадьынан, кучу чэйинэн күндүлээтилэр “Саһарҕа” диэн үҥкүүһүт эбэлэр, “Эйгэ” диэн сиэри-туому тарҕатар эбэлэр түмсүүлэриттэн уонна “Көмүс сүүтүк” диэн иистэнньэҥ эбэлэрэ.

Оскуола учууталлара Өксөкүлээх Өлөксөй “Хомус” хоһоонун аахтылар: М.В. Сивцева, Л.М. Саввина, А.Е. Попова, С.П. Охлопкова. Хоһоон ааҕар оскуола уолаттарын бөлөхтөрүн үс уола Петров Хрисанф, Малышев Ньургун, Пономарев Андрей Өксөкүлээх Өлөксөй «Ортоку олук алгыһа” аахтылар, “Ойуун түүлэ” поэматтан быһа тардан аахта Алена Пономарева. Өксөкүлээх Өлөксөй аатынан музейы билиһиннэрдэ музей салайааччыта Давыдова Г.К. Өксөкүлээҕи үйэтитиини сырдатта саха тылын, литературатын учуутала М.В. Сивцева. Санааларын сайа эттилэр М.Н. Бысыина «Мичил” ОСК логопеда, Кычкин Г.С. нэһилиэк т/х специалиһа, Петров Г.П. – бааһынай хаһаайыстыба баһылыга, Петрова В.Д. орто оскуола директора, Сивцева И.А. улуус баһылыгын солбуйааччыта. Охотин В.А. улуус депутаттарын мунньаҕын бэрэссэдээтэлэ, Дьохсоҕон нэһилиэгин баһылыга Захаров П.Е., Егасова А.М. – Дьохсоҕон кыыһа, нэһилиэк «Куорсун” литературнай түмсүүтүн чилиэнэ.

IMG-20170412-WA0008 IMG-20170412-WA00125

Биһирэмҥэ бастыҥ ааҕааччылары, актыбыыстары, нэһилиэк тэрилтэлэриттэн представителлэри, Өксөкүлээх Өлөксөй кинигэлэрин быыстапканы, сценарийы бэлэмнээтилэр нэһилиэк библиотекатын сэбиэдиссэйэ Другина Г.Н., “Алампа” аатынан норуот айымньытын дьиэтин үлэһиттэрэ: директор Жараева И.С., худ. руководитель Константинова А.В. уонна муз. үлэһит Готовцев П.И.

Норуот авторга улаханнык махтанна, Афанасий Алексеевиһы өссө кэтэһэллэр дьон-сэргэ санаатын иһиттэххэ. Кэргэнэ Саргылана Борисовна Николаева – Тубсаана сэргэх сэһэнин сэҥээрдилэр. Попов С.Ф. – Айыы Сиэн Чыҥ уус хаана – Чыҥыс Хаан өбүгэлэрэ уонна сыдьаанара анааран аттарыытын үөрэ-көтө иһиттилэр. Убаастабыллаах ыалдьыттарбытыгар инники таһаарыылаах үлэни баҕара хааллылар Дьохсоҕоттор.

IMG-20170412-WA00091 IMG-20170412-WA00104

Добавить комментарий

Ваш адрес email не будет опубликован. Обязательные поля помечены *